У Мінскім гарадскім судзе 17 снежня абвешчаны прысуд палітзняволенаму блогеру Эдуарду Пальчысу. Яго звінавацілі па чатырох артыкулах Крымінальнага кодэкса. Суд праходзіў у закрытым рэжыме “з мэтай недапушчэння распаўсюджвання экстрэмісцкіх матэрыялаў”.
Палітвязня судзілі па ч. 1 арт. 293 КК (арганізацыя масавых беспарадкаў), ч. 1 арт. 342 КК (арганізацыя дзеянняў, якія груба парушаюць грамадскі парадак), ч. 3 арт. 130 КК (распальванне сацыяльнай варожасці), ч. 3 арт. 361 КК (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь).
Справу разглядаў суддзя Пётр Арлоў.
Суд пастанавіў: прызнаць вінаватым па ўсіх артыкулах і прызначыць сумарнае пакаранне пазбаўленнем волі тэрмінам 13 гадоў.
Гарадзенская праваабарона 