У Гародні пачынаюцца новыя “судовыя разгляды” крымінальных спраў паводле палітычнага пераследу ўладамі грамадзян.

Яўгена Блахінскага пачалі судзіць 4 траўня ў Гарадзенскім абласным судзе па цэлым “букеце” крымінальных артыкулаў:

артыкул 342 ч. 1 – Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх.

артыкул 293 ч. 1 – Масавыя беспарадкі,

артыкул 368 ч. 1 – Знявага Прэзідэнта РБ,

артыкул 130 ч. 1 – Распальванне расавай, нацыянальнай, рэлігійнай альбо іншай сацыяльнай варожасці.

Яўген Блахінскі

Вядзе карны працэс многім ведамы палітычнымі прысудамі Мікалай Рачынскі.

Яшчэ адзін карны працэс пачнецца 12 траўня ў судзе Кастрычніцкага раёну Гародні, што па вуліцы Дубко-9. На лаве падсудных апынецца затрыманая 16 лютага ў Гародні Наталля Малец. Яе абвінавачваюць па двух артыкулах Крымінальнага Кодэксу:

артыкул 368 ч. 1 – Знявага Прэзідэнта РБ,

артыкул 369 – Знявага прадстаўніка ўлады

Суддзя на гэтым палітычным працэсе – Уладзімір Пазняк.