Жонка гарадзенскага журналіста і палітвязня Дзяніса Івашына Вольга паведаміла пра тое, што некалькі дзён таму яе муж, падхапіў за кратамі нейкую невядомую інфекцыю, якая выклікала моцны боль у горле. Івашын нават вымушаны быў выклікаць унутранага доктара гарадзенскай турмы. Медык прызначыў антыбіётык «Даксіцыклін», які журналіст адразу і прыняў. Аднак праз некаторы час адчуў сябе блага, зразумеў, што пачалася алергічная рэакцыя на прыняты прэпарат, і выклікаў доктара паўторна.

Фэльчар адрэагаваў дастаткова хутка, даў супрацьалергенны сродак, які спыніў алергічную рэакцыю.

На дадзены момант Івашын адчувае сябе значна лепш.