20 верасня праваабарончыя арганізацыі Беларусі прынялі заяву, у якой прызналі яшчэ 11 чалавек, беларускіх грамадзян, засуджаных дзяржавай да зняволення, альбо тых, каго ўзялі пад арышт, палітычнымі вязнямі.

Сярод гэтых 11 гарадзенец Павел Мажэйка, вядомы журналіст і грамадскі дзеяч.

Кіраўніка гарадзенскага «Цэнтру гарадскога жыцця», журналіста Паўла Мажэйку затрымалі 31 жніўня. Праз нейкі час яго перавялі ў СІЗА. Перавод у СІЗА азначае, што яму прад’яўлена абвінавачанне і выбрана мера стрымання — зьмяшчэнне ў следчы ізалятар. Паводле якога артыкула (ці артыкулаў) прад’яўлена абвінавачванне – дагэтуль невядома.

Праваабаронцы прызналі Паўла Мажэйку палітзняволеным. Адзначаецца, што яго ўзялі пад варту за рэалізацыю свабоды выказвання меркаванняў. Цяпер у Беларусі 1334 палітвязні.

Заяву аб прызнанні падпісалі наступныя арганізацыі:

Праваабарончы цэнтр “Вясна”;

Беларускі дом правоў чалавека імені Барыса Звозскава;

Прававая ініцыятыва;

Lawtrend;

Беларуская асацыяцыя журналістаў;

Беларускі ПЭН.