Чарговага жыхара Гародні засудзілі паводле палітычнага пераследу да калоніі.

23 верасня ў судзе Ленінскага раёну судзілі Дзмітрыя Янушкевіча. Яго звінавацілі паводле двух артыкулаў Крымінальнага кодэксу РБ:

артыкул 370 – Знявага дзяржаўных сімвалаў;

частка 1 артыкулу 368 – Знявага Лукашэнкі.

Вяла карны працэс вядомая суддзя Наталля Козел. У выніку яна прысудзіла Дзмітрыю Янушкевічу 1 год калоніі строгага рэжыму. Прысуд яшчэ не ўвайшоў у сілу і можа быць абскарджаны і апратэставаны ў судзе вышэйшай інстанцыі.

Янушкевіча затрымалі за каментары на адрас Лукашэнкі і дзяржаўнага сцяга ў сацыяльнай сетцы Одноклассники.

💌 Напісаць зняволенаму: Турма 1, Гродна вул. Кірава 1, 230023 Янушкевічу Дзмітрыю Іванавічу