Жонка палітзняволенага журналіста Паўла Мажэйкі Ірына Чарняўка раіць дасылаць яму ў СІЗА кнігі. Яна піша ў фэйсбуку:

“Многія пытаюцца, што перадаць Паўлу ў СІЗА.

Найлепей – кнігі.

Бо інфармацыйны голад для яго цяпер, напэўна, самае цяжкае выпрабаванне.

Але важны момант: кнігі можна перадаць толькі паштовай бандэролью – і толькі дастаўкай наўпрост з кнігарні. Такі сервіс мае Белкнига, Акадэмкніга, маюць выдавецтвы (дасведчаныя людзі кажуць, што ў гарадзенскую турму не прымаюць дастаўку з oz.by)

Што для Паўла замовіць? Беларускую сучасную літаратуру. Пераклады на беларускую мову сучаснай сусветнай літаратуры, асабліва ўкраінскай. Новыя манаграфіі па беларускай гісторыі, гісторыі памежжа. Успаміны, дзённікі, біяграфіі, non-fiction.

Магчыма, такім чынам атрымаецца перадаць і перыёдыку, кшталту часопісаў, але гэта трэба спрабаваць. Ці перададуць літаратуру высланую з-за мяжы – ня ведаю, але варта спрабаваць”.

Высылка афармляецца на адрас:

230023 Гродна вул. Кірава, 1, СІЗА, Мажэйку Паўлу Іванавічу

Яшчэ Ірына Чарняўка раіць лепей пісаць не лісты, а паштоўкі – яны хучэй праходзяць цэнзуру і болей верагодна, што іх перададуць.