Вашай увазе рэгіянальны каляндар круглых і юбілейных датаў на кастрычнік.
1 кастрычніка
Міжнародны дзень музыкі.
Міжнародны дзень сталых людзей.
3 кастрычніка
Сусветны дзень архітэктуры
100 гадоў таму (1922) – У в. Кашалёва (Наваградскі р-н) нарадзіўся Міхась Навумовіч, дзеяч беларускай эміграцыі (Францыя).
4 кастрычніка
440 гадоў таму (1582) – У Рэчы Паспалітай уведзены грыгарыянскі каляндар. Пасьля 4-га наступіла 15 кастрычніка.
15 гадоў таму (2007) – Памёр Віктар Абухоўскі, беларускі археолаг. Нараджэнец в. Сялец (Смургонскі р-н). Пахаваны ў Менску.
5 кастрычніка
Сусьветны дзень настаўніка.
150 гадоў таму (1872) – У в. Малі (Астравецкі р-н) памёр Восіп Гашкевіч, дыпламат, мовазнавец, дасьледнік Японіі і Кітаю, натураліст. Пахаваны ў Вільні на Ефрасінеўскіх могілках.
130 гадоў таму (1892) – У в. Сухмяні (Гарадзенскі р-н) нарадзіўся Андрэй Якубецкі, беларускі вайсковец, удзельнік Слуцкага паўстаньня, дзеяч культуры і асьветы. Лёс пасьля 1945 г. невядомы.
6 кастрычніка
15 гадоў таму (2007) – У вёсцы Бердаўка (Лідзкі р-н) прайшлі ўрачыстасьці з нагоды 480-годдзя, на палацы Дамбавецкіх адкрыта мемарыяльная дошка (скульптар Рычард Груша) у гонар Аляксандра Дамбавецкага, краязнаўца, дзяржаўна-грамадзкага дзеяча.
7 кастрычніка
85 гадоў таму (1937) – У Менску НКВД расстраляны Сямён Клінцэвіч (нараджэнец мястэчка Трабы, Івейскі р-н), дзеяч заходнебеларускага руху, актывіст КПЗБ.
9 кастрычніка
Сусьветны дзень пошты
10 кастрычніка
155 гадоў таму (1867) – У Менску памёр Ігнат Легатовіч, беларускі і польскі паэт, педагог. Нараджэнец в. Малая Капліца (Гарадзенскі р-н).
90 гадоў таму (1932) – Нарадзілася Часлава Ашукоўская, удзельніца беларускага антыкамуністычнага падпольнага вучнёўскага руху ў Смургонях у 1949-50 гг.
12 кастрычніка
30 гадоў таму (1992) – У Гародні зарэгістраваная грэка-каталіцкая парафія.
13 кастрычніка
485 гадоў таму (1537) – Першая згадка пра Шчучын у адной з актавых кніг Метрыкі ВКЛ.
15 кастрычніка
590 гадоў таму (1432) – У Гародні выдадзены прывілей караля Ягайлы, які параўняў у правах праваслаўных князёў і баяраў з феадаламі-каталікамі.
205 гадоў таму (1817) – У Салюры (Швайцарыя) памёр Тадэвуш Касьцюшка, дзяржаўны і вайсковы дзеяч, кіраўнік паўстаньня 1794 г. У 1818 г. парэшткі былі перанесены ў Кракаў і зьмешчаны ў Вавельскім замку.
16 кастрычніка
Сусьветны дзень харчаваньня
75 гадоў таму (1947) – За выступ супраць “лысенкаўшчыны” і прапаганду “буржуазнай навукі” генетыкі з пасады прэзідэнта Акадэміі навук БССР звольнены Антон Жэбрак.
20 кастрычніка
Сусьветны дзень статыстыкі
Міжнародны дзень кухара
210 гадоў таму (1812) – У час французка-расейскай вайны ў Слоніме адбыўся вялікі бой.
130 гадоў таму (1892) – У в. Клешнякі (Шчучынскі р-н) нарадзіўся Янка Тарасевіч, рэлігійны і грамадзкі дзеяч беларускага замежжа (Канада, Швайцарыя, ЗША), тэолаг.
80 гадоў таму (1942) – У в. Навумавічы (Гарадзенскі р-н) гітлераўцамі ў ліку іншых расстраляны Ян Каханоўскі, грамадзкі дзеяч, настаўнік гарадзенскай гімназіі, стваральнік гарадзенскага заапарку. Чалавек, які ахвяраваў сваім жыцьцём за іншага. Пахаваны на гарадзенскіх фарных могілках.
75 гадоў таму (1947) – Адкрыўся Гарадзенскі абласны драматычны тэатр.
75 гадоў таму (1947) – У в. Горна (Зэльвенскі р-н) нарадзіўся Юрка Голуб, беларускі паэт, тэлежурналіст.
22 кастрычніка
65 гадоў таму (1957) – У Маскве памёр Аляксандар Савіч, беларускі гісторык, апалагет Беларускай аўтакефальнай праваслаўнай царквы. Пахаваны на Уведзенскіх могілках. Нараджэнец в. Малая Лапеніца (Ваўкавыскі р-н).
23 кастрычніка
70 гадоў таму (1952) – У Плавушцы (Смаргонскі р-н) памёр Фелікс Цікота (нар. у 1887 г. у Плавушцы), брат Андрэя Цікоты, актывіст беларускага руху. Пахаваны на могілках у Жодзішках.
24 кастрычніка
45 гадоў таму (1977) – У Менску памерла Лідзія Ржэцкая, беларуская акторка тэатру і кіно. Пахавана на сталічных Усходніх могілках. Разам з бацькамі (бацька быў праваслаўным сьвятаром) жыла ў Морыне (Івейскі р-н).
25 кастрычніка
Міжнародны дзень школьных бібліятэк
30 гадоў таму (1992) – У г. Сарны (Ровенская вобл., Украіна) памёр Васіль Струмень (сапр. Аляксандар Лебядзеў), беларуска-украінскі пісьменьнік. Пахаваны ў Сарнах. Жыў у Зачэпічах (Дзятлаўскі р-н).
26 кастрычніка
55 гадоў таму (1967) – У ЗША памёр Даніла Клінцэвіч, беларускі грамадска-культурны дзеяч у эміграцыі (Германія, ЗША). Нараджэнец в. Макуці (Івейскі р-н).
27 кастрычніка
85 гадоў таму (1937) – НКВД расстраляны Міхаіл Каўцэвіч, беларускі вучоны-электратэхнік. Нараджэнец Любчы (Наваградзкі р-н).
29 кастрычніка
85 гадоў таму (1937) – У Менску у НКВД цягам ночы былі расстраляныя 22 беларускія і габрэйскія пісьменьнікі, шэраг навукоўцаў і грамадзкіх дзеячоў. Сярод забітых былі Хацкель Дунец, нараджэнец Слоніму, Майсей Кульбак, нараджэнец Смургоняў.
30 кастрычніка
85 гадоў таму (1937) – У Менску НКВД былі расстраляныя 32 чалавекі, сярод якіх Янка Нёманскі (сапр. Іван Пятровіч), беларускі пісьменьнік, эканаміст. Нараджэнец в. Шчорсы (Наваградзкі р-н).
31 кастрычніка
Міжнародныя дні гарадоў, эканоміі і Чорнага мора.
90 гадоў таму (1932) – У Пагародне (Вараноўскі р-н) памёр Кіпрыян Кандратовіч, беларускі генерал, міністар БНР. Быў пахаваны ў Пагародне (Вараноўскі р-н), пазьней перапахаваны ў Варанове каля праваслаўнай царквы.
85 гадоў таму (1937) – У Менску НКВД расстраляны Антон Баліцкі, беларускі грамадзка-культурны дзеяч. Нараджэнец в. Балічы (Гарадзенскі р-н).
30 гадоў таму (1992) – У Менску памёр Міхась Ткачоў, беларускі грамадзка-палітычны дзеяч, гісторык, археолаг, педагог. Пахаваны на Усходніх могілках. Жыў і працаваў у Гародні.
Гарадзенская праваабарона 