Гарадзенец Аляксей Галоўкін (https://prisoners.spring96.org/be/person/aljaksei-haloukin) з’яўляецца IT-інжынерам. Скончыў фізмат школу з залатым медалём і ВНУ на выдатна. Працаваў у сферы IT. У дзяцінстве яму быў пастаўлены складаны дыягназ — «гемафілічная поліартрапатыя».

Гарадзенца засудзілі да 3 гадоў калоніі паводле арт. 366 КК (Пагроза гвалтам у дачыненні да службовай асобы) і арт. 364 КК (Гвалт альбо пагроза гвалтам у дачыненні да супрацоўнікаў органаў унутраных спраў). Апроч тэрміну зняволення, суд пастанавіў Аляксею выплату кампенсацыі маральнай шкоды пацярпелым на суму больш за 4500 тысяч рублёў. Цяпер Галоўкін знаходзіцца ў бабруйскай калоніі. Ён дрэнна ходзіць праз праблемы з суставамі. Іх давядзецца замяняць імплантамі.

BYSOL адкрыў збор для аплаты рэчавай і прадуктовых перадач, лекаў.

Падтрымайце фінансава палітвязня (https://bysol.org/be/private/golovkin/)

Падтрымаць палітвязня лістамі: ПК № 2. 213800, г. Бабруйск, вул. Сікорскага, 1, Аляксей Аляксандравіч Галоўкін