Яшчэ два палітычныя працэсы па крымінальных справах пройдуць 9 студзеня ў Гарадзенскім абласным судзе. Гэта вынікае з раскладу судовых паседжанняў. Карны канвеер працягвае сваю чорную справу.

А 10-й гадзіне Васіль Скок пачаў весці паседжанне па крымінальнай справе Андрэя Быкава. Яго судзяць ажно па 6 (!) артыкулах Крымінальнага кодэксу:

ч. 3 арт. 361 КК РБ – Заклікі да мераў абмежавальнага характару (санкцыяў), скіраваных на прычыненне шкоды нацыянальнай бяспецы РБ;

ч. 1 арт. 130 УК РБ – Распальванне расавай, нацынальнай, рэлігійнай ці іншай варожасці;

арт. 369 КК РБ – Знявага прадстаўніка ўлады;

ч. 2 арт. 367 КК РБ – Паклёп у дачыненні да Лукашэнкі;

ч. 2 арт. 366 КК РБ – Гвалт альбо пагроза ў дачыненні асобы, якая выконвае службовыя абавязкі;

ч. 1 арт. 366 КК РБ – Гвалт альбо пагроза ў дачыненні асобы, якая выконвае службовыя абавязкі ці іншай асобы, якая выконвае грамадзянскі доўг;

ч. 2 арт. 368 КК РБ – Знявага Лукашэнкі.

А 14.30 будзе ісці працэс у дачыненні да Таццяны Трафімчык. Яе засудзіць Аляксандр Козел.

Трафімчык судзяць па чатырох артыкулах крымінальнага кодэксу:

ч. 1 арт. 130 УК РБ – Распальванне расавай, нацынальнай, рэлігійнай ці іншай варожасці;

ч. 2 арт. 367 КК РБ – Паклёп у дачыненні да Лукашэнкі;

ч. 1 арт. 368 КК РБ – Знявага Лукашэнкі;

ч. 2 арт. 366 КК РБ – Гвалт альбо пагроза ў дачыненні асобы, якая выконвае службовыя абавязкі.