Дэпутаты” Палаты прадстаўнікоў 21 лютага ў другім чытанні прынялі праект закону «Аб змене кодэксаў у пытаннях крымінальнай адказнасці». У ім прапісанае ўвядзенне смяротнага пакарання за здраду дзяржаве, але толькі ў дачыненні чыноўнікаў.

Згодна з дакументам, смяротнае пакаранне можа быць ужытае да «службовых асобаў, якія займаюць дзяржаўную пасаду, і асобаў, на якіх распаўсюджваецца статус вайскоўца, якія здзейснілі злачынства, прадугледжанае артыкулам 356 КК «Здрада дзяржаве».

Раней у Палаце прадстаўнікоў растлумачылі гэта неабходнасцю «стрымлівальнага ўздзеяння на дэструктыўныя элементы, а таксама дэманстрацыі рашучай барацьбы са здрадай дзяржаве».

Праект закону павінны яшчэ ўхваліць у Савеце Рэспублікі, а пасля яго мусіць падпісаць Лукашэнка.

belsat.eu