З пачаткам поўнамаштабнага ўварвання Расеі ва Украіну беларусы актыўна праяўляюць антываенную пазіцыю: ладзяць маршы і пікеты, псуюць чыгуначнае абсталяванне, дапамагаюць у інфармацыйнай вайне, ваююць на баку Украіны.

Сёння гадавіна ўварвання расейскіх войскаў на тэрыторыю Украіны, а ў Беларусі налічваюцца 12 асуджаных за дыверсіі на чыгунцы агулам на 191,5 гадоў няволі. За перадачу фота расійскай ваеннай тэхнікі ў СМІ асуджаныя не меней за 31 асобу, за жаданне ваяваць на баку Украіны ў няволі як мінімум 11 чалавек, восем з якіх асуджаныя. Не меней за 20 асобаў зазналі пераслед за публічнае асуджэнне расейскай агрэсіі і падтрымку Украіны.

Агулам за праяву антываеннай пазіцыі затрымана не меней за 1575 беларусаў і беларусак. З іх 56 чалавек асуджана паводле крымінальных справаў на тэрмін ад 1 да 23 гадоў.

«Вясна» распавядае пра вынікі пераследу беларусаў за антываенную пазіцыю