
“Инфоказачка” Ольга Бондарева, расейская шавіністычная прадстаўніца, якая жыве ў Гародні, атрымала адмову ад уладаў на сваё патрабаванне дэмантаваць помнік Ларысе Геніюш, што стаіць каля Зэльвенскай царквы.
На момант устаноўкі помніка парадак устаноўкі твораў манументальнага мастацтва рэгламентаваўся Палажэннем, зацверджаным пастановай Савета Міністраў Рэспублікі Беларусь ад 06.09.2000 № 1393.
Згодна з пунктам 4, мемарыяльныя ансамблі ствараюцца на падставе рашэння Савета Міністраў Рэспублікі Беларусь. Дакументаў, якія пацвярджаюць законнасць помніка Ларысе Геніюш, не прадстаўлена.
Аднак цяпер парадак устаноўкі помнікаў вызначаны Палажэннем ад 19 верасня 2008 года №1372, у якім норма, якая рэгламентуе дэмантаж самавольна ўстаноўленых твораў мастацтва, адсутнічае.
Гэта значыць, што дэмантаж помніка будзе незаконным.