Дзяржаўных узнагарод ў красавіку “удастоены” 62 прадстаўнікі розных галін дзейнасці. Адпаведны Указ №97 Лукашэнка падпісаў 10 красавіка. Сярод узнагароджаных медалём “За працоўныя заслугі” апынулася Людміла Герасіменка, намеснік начальніка аддзелу пракуратуры Гарадзенскай вобласці па наглядзе за адпаведнасцю закону судовых рашэнняў па крымінальных справах, старшы саветнік юстыцыі.

Асаблівая заслуга Герасіменкі відаць палягае ў тым, што яна была дзяржаўнай абвінаваўцай па справе так званай “групы Аўтуховіча”. Паводле гэтай палітычнай сфабрыкаванай крымінальнай справы было засуджана да вялікіх тэрмінаў ажно 12 чалавек.

Была Герасіменка таксама абвінаваўцай па крымінальнай справе палітвязня Андрэя Аўсіевіча. Яго засудзілі да 3 з паловай гадоў калоніі.