Андрэй Несцяровіч не выйшаў на волю пасля 10 сутак адміністрацыйнага арышту. Паводле папярэдніх звестак супраць яго пачалі крымінальную справу. Нібыта зараз ён затрыманы пакуль на трое сутак. У чым яго збіраюцца звінаваціць – пакуль невядома.

Напомнім, што гарадзенскага музыку і прадпрымальніка Несцяровіча затрымалі 14 красавіка, а 17 красавіка прысудзілі 10 сутак арышту нібыта за распаўсюд экстрэмісцкіх матэрыялаў (артыкул 19.11 КаАП).

Грамадскі актывіст заснаваў этнакраму «Цудоўня» у 2015 годзе. Пасля “выбараў” 2020 году на краму ішоў ціск, Несцяровіча неаднаразова штрафавалі і ўрэшце пазбавілі памяшкання.