„На мяжы з Беларуссю ўжо ўсталявана 206 кіламетраў электроннага бар’еру, які складаецца з сістэмы камер і датчыкаў руху. Не хапае толькі 150 метраў на апошнім участку, дзе ўстаноўцы прыбораў перашкаджаюць прыродныя ўмовы”, — паведаміла PAP прэс-сакратар памежнай службы паручнік Анна Міхальска.
Апошні з адзінаццаці ўчасткаў электроннай загароды, над якімі вядуцца работы, знаходзіцца ў зоне аховы памежных пастоў у Белавежы і Нараўцы. Прадстаўніца памежнай службы патлумачыла, што бар’еры адсутнічаюць толькі на 150 метрах. Астатняя частка гэтага ўчастка, амаль 25 кіламетраў, ужо ўключана.
Уся сістэма дзеіць на 206 кіламетрах мяжы з Беларуссю. Усталяванню бар’еру на апошнім адрэзку перашкаджаюць прыродныя ўмовы.
Беларускае Радыё Рацыя паводле wpolityce.pl
Гарадзенская праваабарона 