Міжнародны ПЭН напісаў ліст у падтрымку беларускага палітвязня, лаўрэата Нобелеўскай прэміі міру Алеся Бяляцкага. Пад ім падпісаліся 103 лаўрэаты гэтай прэміі розных гадоў і розных сфераў.

“Свет заслугоўвае таго, каб пачуць голас Бяляцкага. Мы падтрымліваем Алеся Бяляцкага і яго паплечнікаў па “Вясне”: Марфу Рабкову, Валянціна Стэфановіча, Уладзіміра Лабковіча, Леаніда Судаленку, Андрэя Чапюка – і заклікаем тэрмінова адмяніць іх прысуды і зняць усе абвінавачванні”, — напісана ў лісце.

Алесь Бяляцкі знаходзіцца за кратамі ў Беларусі з лета 2021-га. У сакавіку сёлета лаўрэата Нобелеўскай прэміі засудзілі на 10 гадоў калоніі за дапамогу рэпрэсаваным.