З раскладу паседжанняў Лідскага раённага суду вынікае, што ў гэтым райцэнтры працягваецца пераслед грамадзян паводле палітычных матываў.

У судзе Лідскага раёна прайшлі не менш як тры суды па частцы 2 артыкулу 19.11 КаАП РБ – Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую ​​дзейнасць.

Пад судовы пераслед трапілі Аляксандр Садоўскі, Віталь Тон, Павел Дуброўнік. На судовым «канвееры» працаваў Уладзімір Федаровіч. Якія кары ён прысудзіў, пакуль невядома.

Яшчэ 26 траўня сілавікі апублікавалі відэа з затрыманнем 8 лідзян за распаўсюд экстрэміскіх матэрыялаў.