У Гародні ў судзе Кастрычніцкага раёну 1 чэрвеня пачаўся крымінальны працэс у дачыненні да Ірыны Савашынскай. Вядзе яго Уладзімір Пазняк.

Ірыну Савашынскую вінавацяць паводле часткі 1 артыкулу 342 (Актыўны ўдзел у дзеяннях, якія груба парушаюць грамадскі парадак).

Ірына была затрыманая 23 лютага бягучага году ў Гародні каля адной з крамаў. Зараз яна знаходзіцца ў СІЗА гарадзенскай турмы.

Разам з Савашынскай па гэтай крымінальнай справе ёсць фігурантам Аляксей Паўленка. У праўладных тэлеграм-каналах раней было паказана відэа з яго “пакаяннем”.