Палітзняволены Анджэй Пачобут не атрымлівае лекаў для сэрца і не можа тэлефанаваць дадому

Пра гэта расказаў намеснік старшыні Саюзу палякаў Беларусі Марэк Занеўскі.

«Што тычыцца Анджэя, на жаль, сітуацыя вельмі цяжкая. Наступныя шэсць месяцаў правядзе ў камеры для пакарання, беспадстаўна кінуты туды. Так што сітуацыя пагаршаецца. Да яго не пускаюць адваката, не даходзяць лісты, не даюць яму лекі, якія яму патрэбны кожны дзень

Найвялікшая праблема на сёння – гэта брак інфармацыі, бо да Анджэя не можа трапіць адвакат, не даходзяць лісты, яго пазбавілі магчымасці тэлефанавання дадому. І гэта стварае найвялікшую праблему, бо мы не ведаем, дзе ён цяпер, у якім ён стане і што ўвогуле там з ім дзеецца.

З той інфармацыі, што да нас даходзіць, ён на шэсць месяцаў засуджаны знаходзіцца ў камеры пакарання ў калоніі і не атрымлівае лекі для сэрца, якія патрабуе кожны дзень. Гэта таксама прымушае вельмі непакоіцца».