Стэнд з інфармацыяй пра Элізу Ажэшку. Фота: Hrodna.life

Паводле крыніц Hrodna.life, таблічкі прыбралі не на рамонт і назад яны могуць не вярнуцца.

Што гэта за таблічкі і дзе яны размяшчаліся

Турыстычныя стэнды з інфармацыяй пра Элізу Ажэшку ўсталявалі на вуліцах Гародні летам 2021 года. Іх адкрыццё прымеркавалі да 180-годдзя з дня нараджэння пісьменніцы.

Усяго ў горадзе было 10 стэндаў:

  • Каля доміка і помніка пісьменніцы,
  • На вуліцах Васілька і Маркса, дзе Ажэшка жыла ў розныя часы,
  • Каля Бернардынскага касцёлу, у якім пісьменніца вянчалася са Станіславам Нагорскім,
  • У Румлёўскім парку, дзе быў маёнтак яе сям’і,
  • На старых каталіцкіх могілках, дзе Ажэшка пахавана.

Інфармацыя на стэндах была размешчана на трох мовах: беларускай, ангельскай і польскай.