На Гарадзеншчыне на папярэднім галасаванні пры ўсіх стараннях чыноўнікаў і наменклатуры прыйшло людзей найменш з усіх абласцей Беларусі. Але, што датычыць кандыдатаў у Вярхоўны савет, то ўсё ідзе як алеем падмазана. Заранёў вызначаныя “парламентарыі” і аніводнага арганізацыйнага збою, у адрозненне ад іншых рэгіёнаў краіны.

Вось для каго зарэзераваныя і гарантаваныя крэслы “дэпутатаў” па Гарадзенскай вобласці:

Ваўкавыская акруга №48

Віктар Пляскач (1969 года нараджэння), дырэктар Ваўкавыскага спажывецкага таварыства.

Гарадзенская-Занёманская акруга №49

Міхаіл Аксянюк (1975), начальнік упраўлення ідэалагічнай працы Дзяржаўнага пагранічнага камітэту.

Гродзенская-Кастрычніцкая акруга №50

Пераабіраецца Алена Патапава (1978), раней працавала на мэблевай фабрыцы «ЗОВ». Нібыта прадстаўляе Камуністычную партыю.

Гродзенская-Ленінская акруга №51

Андрэй Анісімаў (1977), дырэктар гарадзенскага філіяла «Белпошты».

Гродзенская-Паўночная акруга №52

Алег Раманаў (1975), кіраўнік «Белай Русі», былы першы прарэктар Гарадзенскага ўніверсітэту імя Янкі Купалы.

Гродзенская-Пагранічная акруга №53

Антон Кулісевіч (1967), старшыня Бераставіцкага райвыканкаму.

Іўеўская акруга №54

Віталь Ракавец (1976), дырэктар Іўескага лясгасу.

Лідская акруга №55

Кацярына Серафіновіч (1965), намесніца дырэктара дзяржаўнай «ЛідаМедыяКампаніі», перад гэтым – член Савета Рэспублікі, пачынала сваю кар’еру ў раённай газеце.

Нёманская акруга №56

Міхаіл Орда (1966), старшыня Федэрацыі прафсаюзаў.

Замкавая акруга №57

Пераабіраецца Аляксандр Сангін (1969), былы начальнік упраўлення адукацыі Гродзенскага аблвыканкаму.

Слонімская акруга №58

Пераабіраецца Валянцін Семяняка (1963), былы старшыня Зэльвенскага савета дэпутатаў.

Смаргонская акруга №59

Ігар Шалудзін (1968), старшыня Астравецкага райвыканкаму.

Шчучынская акруга №60

Надзея Хальцова (1978), дырэктарка мастоўскай гімназіі №1.

Усе пералічаныя наменклатурнікі – абсалютна правераныя кадры. Так што ніякіх нечаканасцяў ня будзе.