Былы палітвязень памёр праз тры месяцы пасля вызвалення з калоніі. Гэта здарылася ў жніўні 2024-га.

Як піша тэлеграм-канал dissidentby, жыхару Ліды Валянціну Іваноўскаму было 48 гадоў. Прычыны яго смерці невядомыя.  

Іваноўскага затрымалі ў ліпені 2022 года і звінавацілі ў абразе Лукашэнкі (ч. 1 арт. 368 Крымінальнага кодэкса). Суд прызначыў яму два гады калоніі. Мужчына адбываў тэрмін зняволення ў Наваполацку.

На волю Іваноўскі выйшаў у траўні 2024 года. А праз некалькі месяцаў яго не стала.