Цяпер падлеткі змогуць уладкавацца на працу больш чым па 160 спецыяльнасцях са спіса, паведаміла прэс-служба Мінпрацы.

Падлеткі да 18 год афіцыйна змогуць працаваць у сферах харчавання (кулінар, кандытар, повар), паліграфіі (карэктар, аператар электроннага набору і вёрсткі, аператар электроннага колерадзялення, друкар і іншыя), вытворчасці шкла і шклавырабаў (камплектоўшчык, разметчык, размалёўвальнік і іншыя), у цэлюлозна-папяровай вытворчасці і іншых.

Змены ўводзяцца з 29 сакавіка.

У Беларусі дзецям да 18 год нельга працаваць па ўсіх спецыяльнасцях, звязаных з цяжкімі ці небяспечнымі ўмовамі, выконваць заданні звыш нормы і ў выходныя ці святочныя дні. Таксама для іх вызначаны скарочаны працоўны дзень.