У Гародні будуць ладзіць рэканструкцыю штурму Рэйхстага, паведамляе тэлеканал «Гродна Плюс». У ролі Рэйхстага здымецца мясцовы Палац культуры тэкстыльшчыкаў.

Рэйхстаг на гродзенскай глебе пачнуць штурмаваць 4 мая ў 14.00 на плошчы Савецкай. Над Палацам культуры тэкстыльшчыкаў, які выканае ролю Рэйхстага, будзе ўзведзены купал, на якім павесяць сцяг Перамогі — чырвоны сцяг з сярпом і молатам.

Уваход на Савецкую плошчу, каб паглядзець гэта відовішча, будзе вольным. Таксама працэс будуць трансляваць анлайн на некалькіх ютуб-каналах.

У рэканструкцыі задзейнічаюць звыш 100 чалавек і 15 адзінак тэхнікі. 

Святкаванне Дня перамогі з кожным годам набывае ўсё больш абсурдны характар.