Рэжым Лукашэнкі ў разы занізіў рэальную статыстку смяротнасці ад эпідэміі СOVID-19 у Беларусі. Гэта вынікае са звестак, якія атрымала арганізацыя былых сілавікоў BelPol.

Арганізацыя атрымала статыстыку па фактычнай нараджальнасці і смяротнасці ў Гарадзенскай вобласці з 1991 па 2024 гады. Сярэдні ровень смяротнасці ў рэгіёне ў 2015-2019 гадах (г.зн. за 5 гадоў да эпідэміі каранавіруса) складаў прыкладна 13,9%.

Але гэты паказнік істотна змяніўся ад пачатку пандэміі каранавіруса. Пік захворвання ў Беларусі фіксаваўся з красавіка 2020-га па ліпень 2022 года. Ровень смяротнасці ў гэты перыяд склаў:
у 2020 годзе — 17,2‰ (рост на 23,7%, 3385 “залішніх” смерцяў);
у 2021 годзе — 19,4‰ (рост на 39,6%, 5599 “залішніх” смерцяў);
у 2022 годзе — 14,8‰ (рост на 6,5%, 906 “залішніх” смерцяў).

Потым, у 2023 і 2024 гадах паказнікі смяротнасці ў Гарадзенскай вобласці нават панізіліся ў параўнанні з перыядам да пандэміі — да 13,3‰. Гэта хутчэй за ўсё тлумачыцца падвышанай гібеллю людзей сталага ўзросту і з аслабленым здароўем цягам “пандэмійных” трох гадоў.

З паданай статыстыкі вынікае, што “залішняя” смяротнасць толькі ў Гарадзенскай вобласці падчас пандэміі СOVID-19 склала 9890 чалавек (3385+5599+906). Між тым, Мінздароўя афіцыйна казала пра 7118 чалавек, памерлых ад наступстваў каранавіруса па ўсёй Беларусі.

Акрамя каронавіруса іншых прычынаў рэзкага росту смяротнасці ў 2020-2022 гадах не было.

Пры тым сітуацыя з каронавірусам на Гарадзеншчыне была больш спрыяльнай, чым у шэрагу іншых рэгіёнаў Беларусі.