На закупку кнігі «Наш Президент» у Гародні выдаткуюць 28 080 рублёў ($ 9190). Іх купяць для дзіцячых садкоў і школ. Грошы выдзелілі з гарадскога бюджэту.

144 кнігі павінны былі купіць да 30 красавіка. Міжгаліновы цэнтр для забеспячэння дзейнасці бюджэтных арганізацый Гародні рыхтаваў закупку з адной крыніцы.

У Гародні раней ўжо закуплялі дзве кнігі «Наш Президент» для Цэнтралізаванай бібліятэчнай сістэмы горада.

Кнігу назвалі «дакументальна-біяграфічным нарысам». Яе напісалі чатыры прапагандысты — у тым ліку прэс-сакратарка Лукашэнкі Наталля Эйсмант. «Нашай галоўнай задачай было адлюстраваць той велізарны шлях, які ўжо прайшоў і па якім ідзе наш прэзідэнт», — сказала яна.

hrodna.life