Кожную суботу ў 7:00 па беларускім часе ў эфіры незалежнай радыёстанцыі “Беларускае Радыё Рацыя” — праграма “Вясна”, якая асвятляе падзеі, датычныя правоў чалавека. 

Прэм’еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.

(Анонсы папярэдніх выпускаў глядзіце тут).

Каментар эксперта: Універсальны перыядычны агляд і прэ-сесія па Беларусі на ім. Што гэта такое і што будзе далей? Гаворым з юрысткай ПЦ “Вясна” Святланай Галаўнёвай.

Праваабарончы слоўнік: Міжнародны дзень салідарнасці журналістаў адзначыцца 8 верасня. У гэты дзень у 1943 годзе быў пакараны смерцю чэшскі журналіст Юліюс Фучык, які ў турме напісаў “Рэпартаж з пятлёй на шыі”.

Каментар: Беларуская ініцыятыва BySol працягвае сваю працу, а кіраўніцтва беларускага шэлтара ў Варшаве шукае новы будынак.