У Беларусі на год адклалі канцэрты адыёзна-шавіністычнага спевака Шамана (Яраслава Дронава) — ўлюбёнца Пуціна.

Канцэрты Шамана былі запланаваныя ў гэтым месяцы ў Берэсці, Гародні і Гомелі. Але іх, як заўважыла “Наша Ніва”, перанеслі — таксама на снежань, але ўжо наступнага, 2026 года.

Аператары, якія займаліся продажам квіткоў, не змаглі патлумачыць прычыну пераносаў. “Здавайце квіткі, калі не хочаце год чакаць, гэта ж яшчэ дажыць трэба”, — адказалі журналістам у адным з пунктаў продажаў.

У афіцыйных акаўнтах спевака ў сацсетках таксама няма звестак на гэтую тэму. Дарэчы, на канцэрт Шамана ў лістападзе квіткі ў Беларусі прадаваць давялося з дапамогай райвыканкамаў.

На днях канцэрты Z-спевака адмянілі ў Белгарадзе. Яго жонка Кацярына Мізуліна патлумачыла адмену тым, што “кіеўскія тэрарысты планавалі ракетны ўдар па месцы мерапрыемства”.

Напомнім, што раней, у 2022 годзе, гэты Шаман выступаў у Гародні.

Шабаш «Шамана» у Гародні