Грамадскія абмеркаванні па пабудове пункту захавання ядзерных адкідаў і яго ўплыве на навакольнае асяроддзе пройдуць у Беларусі.
Іх правядуць у трох раёнах Беларусі, дзе разглядаецца магчымасць будаўніцтва аб’екта — Астравецкім, Мсціслаўскім і Хойніцкім.
У Астраўцы сход адбудзецца ў чацвер, 20 жніўня. Ён пачнецца а 14-й у канферэнц-зале цэнтра творчасці моладзі (прасп. Энергетыкаў, 2).
Сход у Мсціславе прызначаны на 26 жніўня. У Хойніках абмеркаванне прызначылі на чацвер, 10 верасня.
Дэкляруецца, што ўзяць удзел у сходах могуць грамадзяне, індывідуальныя прадпрымальнікі ды прадстаўнікі юрыдычных асоб. Яны могуць задаць пытанні спецыялістам, азнаёміцца з нюансамі праекта і выказаць свае заўвагі.
Гарадзенская праваабарона 