
За распаўсюд экстрэмісцкіх матэрыялаў і нацысцкай сімволікі ў Telegram-каналах «Мусор Гродно», «Позорище Гродно», «Слухи Гродно» у Гарадзенскай вобласці пакаралі трох непаўналетніх. Пра гэта распавялі ў рамках адзінага дня інфармавання, заўважыў Telegram-канал “Право имеют”.
У другім паўгоддзі 2026 года “праваахоўнікі” спынілі дзейнасць Telegram-каналаў «Мусор Гродно», «Позорище Гродно», «Слухи Гродно», а таксама чата «Обсуждалка Мусорки», «Арестанты Лиды». Там “з мэтай булінга” публікавалі фота і дадзеныя непаўналетніх з негатыўнымі выказваннямі на іх адрас.
Telegram-канал «Слухи Гродно» меў 128 падпісантаў, «Позорище Гродно» – 45 і «Мусор Гродно» – 519.
Выявілі 13-гадовую адміністратарку Telegram-канала «Слухи Гродно. Адміністратарамі Telegram-канала «Позорище Гродно» апынуліся 15-гадовыя браты. З сямі найбольш актыўнымі ўдзельнікамі каналаў і іх законнымі прадстаўнікамі правялі індывідуальную прафілактычную працу.
Тыя ж меры прынялі ў дачыненні да трох непаўналетніх – за “распаўсюд экстрэмісцкіх матэрыялаў і нацысцкай сімволікі” ў Telegram-каналах «Мусор Гродно», «Позорище Гродно», «Слухи Гродно».
АУС пастаянна маніторыць “ВКонтакте”, Instagram, TikTok, Telegram, лакальныя моладзевыя чаты і паблікі для выяўлення матэрыялаў “экстрэмісткай скіраванасці” з удзелам непаўналетніх.
