21 чэрвеня ў Беластоку ў памяшканні хаба “Новая Зямля” прайшла сустрэча з нобелеўскім лаўрэатам прэміі міру, старшынём праваабарончага цэнтру “Вясна” Алесем Бяляцкім.
Двухгадзінная сустрэча сабрала больш 60 чалавек, як карэнных беларусаў, так і прадстаўнікоў беларусаў дыяспары. Было шмат пытанняў і цікавых размоваў. У цэнтры сустрэчы была прэзентацыя кнігі «Алесь. За беларускае жыццё» выдадзенай Беларускім Радыё Рацыя, Тыднёвікам беларусаў у Польшчы «Ніва», Цэнтрам Грамадзянскай адукацыі Польшча-Беларусь.
Сустрэчы з Алесем Бяляцкім у Беластоку працягнуцца ў панядзелак і аўторак:
22.06 – панядзелак
13.00 – візіт у рэдакцыю тыднёвіка «Ніва»
14.30 – візіт у Цэнтр беларускай культуры
17.00 – удзел у падвядзенні вынікаў працы дзяцей і моладзі АБ-БА ў навучальным годзе 2025/2026 – Універсітэцкі цэнтр культуры і навукі, вул. Цялкоўскага 1N кампус.
23.06 – аўторак
10.00 – візіт ў Радыё Рацыя
11.00 – прэс-канферэнцыя – сустрэча з журналістамі польскіх і беларускіх СМІ
17.00 – Прэм’ера ў Польшчы дакументальнага кіно пра Алеся Бяляцкага “Bialiatski/Unbroken” – NieTeatr ul. Henryka Sienkiewicza 4. Уваход вольны.
Пасля паказу адбудзецца дыскусія з Алесям Бяляцкім і камандай фільма. Над стварэннем фільма літоўская каманда працавала, пачынаючы з 2023 года, тры гады. Рэжысёр Эймантас Беліцкас, сцэнар Александрына Глагольева, кампазітар Андрыюс Мамантовас, прадзюсер Тарэса Ражаноўска.
Гарадзенская праваабарона 