Аляксандр Арановіч / spring96.org
На волю выйшаў палітвязень Аляксандр Арановіч, паведаміў фонд “Краіна для жыцця”. У 2020 годзе ён быў кіроўцам у камандзе Сяргея Ціханоўскага.
Арановіча затрымалі 29 траўня 2020 году ў Гародні разам з іншымі ўдзельнікамі “Краіны для жыцця”.
У красавіку 2021 года яго засудзілі да шасці гадоў калоніі паводле двух крымінальных артыкулаў (“Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх” і “Падрыхтоўка да ўдзелу ў масавых беспарадках”). Пазней Аляксандру ўзмацнілі пакаранне і перавялі ў магілёўскую турму.
Гарадзенская праваабарона 