Гарадзенскі палітвязень, журналіст Дзяніс Івашын сустракае чарговы свой дзень нараджэння за кратамі. Яму спаўняецца 47 гадоў. Мужнасць і цвёрдасць сапраўднага патрыёта краіны, якога жорстка пераследуюць па палітычных матывах за публіцыстычную працу журналіста-расследвальніка, проста ўражвае.
Ужо 5 гадоў і амаль тры месяцы Івашын у зняволенні. 18 месяцаў яму не дазваляюць тэлефанаваць родным, пазбаўляючы права на такія званкі.
Напомнім, што гарадзенскага журналіста Дзяніса Івашына затрымалі 12 сакавіка 2021 году і ў жніўні 2022 году засудзілі на 13 гадоў і 1 месяц калоніі ўзмоцненага рэжыму са штрафам 150 базавых велічынь (4800 рублёў) па ч. 1 арт. 356 «Здрада дзяржаве» і ч. 1 арт. 179 КК «Незаконнае збіранне альбо распаўсюджванне інфармацыі аб прыватным жыцці». Дзяніс Івашын рэдагаваў беларускую версію выдання Infornapalm і пісаў расследованні для «Новага часу». Ён знайшоў дзесяць “беркутаўцаў”, якія з Украіны пераехалі ў Беларусь і пачалі працаваць у міліцыі.
Напрыканцы чэрвеня 2023 года журналіста перавялі на турэмны рэжым у Жодзіна.
Гарадзенская праваабарона 