10 крымінальных артыкулаў, па якіх часцей за ўсё судзяць беларусаў

Вярхоўны суд Беларусі апублікаваў статыстыку сваёй працы за першае паўгоддзе 2026 года. Агулам па крымінальных справах было засуджана 12 676 чалавек.

Вось самыя папулярныя крымінальныя артыкулы з тых, што называюцца ў прэс-рэлізе:

1. Аліменты (174 КК) — 2534 засуджаных
2. Крадзеж (204 КК) — 2449 засуджаных
3. Спажыванне наркотыкаў (ч. 1 арт. 328 КК) — 666 засуджаных
4. Хуліганства (339 КК) — 585 засуджаных
5. Крадзеж з картак (212 КК) — 490 засуджаных
6. Распаўсюд наркотыкаў (ч. 2-5. арт. 328 КК) — 314 засуджаных
7. Грабеж (206 КК) — 291 засуджаны
8. Парушэнне правілаў дарожнага руху (317 КК) — 252 засуджаныя
9. Наўмыснае прычыненне цяжкага пашкоджання (147 КК) — 193 чалавекі
10. Атрыманне хабару (430 КК) — 150 засуджаных.

Вярхоўны суд не ўключыў у рэйтынг палітычныя артыкулы. Агулам жа за першае паўгоддзе ўступілі ў сілу прысуды амаль у 600 засуджаных за палітыку. З іх у 460 чалавек ёсць у абвінавачванні артыкул 361‑4 — «садзейнічанне экстрэмісцкай дзейнасці». Пераважна гэта справа Гаюна.

Аднак гэта не значыць, што іх усіх засудзілі менавіта ў першае паўгоддзе. Дакладны лік колькасці засуджаных будзе трошкі іншым, але сувымерным.